جمس بوند
يعجبني تفاعلك ♥♥
عدد المساهمات : 49
تاريخ التسجيل : 29/03/2011
 |  موضوع: قرم وفقير  الأحد أبريل 03, 2011 12:57 pm | |
|
منـك العـذر وعـلـي المـعـذرة
لاتحسب حساب هجـر ولا هجيـر
كـل ذنـب بتذنـبـه بستغـفـره
واحـد مايعـذرك مافيـه خـيـر
دور بصـدري وطـن واستعمـره
عندك مـن الضلـع الأول للأخيـر
عيش فينـي ودمـر اللـي تدمـره
واعتذر لي واعتبـر سـرك فبيـر
لاتبشـرنـي بـجـرح وتـذخـره
لاتعشمنـي بـحـزن وتستخـيـر
ولاتنومـنـي بلـيـل وتسـهـره
ولاتنـام الا ونـا جفنـي سهـيـر
خلنـي مثـل النـجـوم مبعـثـره
عيـش فينـي لاشهيـق ولا زفيـر
لاتقـول العفـو عـنـد المـقـدرة
خل قلبك صلـب وحسابـك عسيـر
المسـامـح والـزعـل للمـبـزره
والا أنا لاني زعـول ولا صغيـر
ودي أدري كيـف للحـزن أثمـره
ودي أقطف مـن قساوتـك العبيـر
ودي أجفـل مـن فراقـك وأحـذره
ودي أعرف لو فقدتك وش يصيـر
لو تقدر خاطـري صـدق أكسـره
لـو صحيـح تحبنـي لاتستشـيـر
أزرع بقلبـي سـبـب يستنـفـره
أثبت أنك غيـر وأن النـاس غيـر
شاعـرك ماكـل بنـت تجرجـره
حارت بـه عقـول نـاس ماتحيـر
النسـاء ماحركـن فيـه اشـعـره
ثـار عشـق ومالقـى شـي يثيـر
أن سكـت كـن الوقـار بمنـبـره
وأن تكلـم زمهريـر بزمهـريـر
مايحضـر الا القلـوب مجمـهـره
ومايغيـب الا وعشـاقـه كثـيـر
أن هجرتـه تستـقـر بمحـجـره
وأن تبعت رضـاه ماعينـت خيـر
اسكنـه لكـن بـعـد ماتهـجـره
ابتسـم لـه بـس لاشفتـه كسيـر
حـن لكـن حـن لاجبـت اخبـره
حـب لكـن خـل حبـك بالأخيـر
لو عطيته وجهك أعطـاك اظهـره
صد عنه ويتبعـك مثـل الضريـر
لاتـحـاول تكسـبـه ماتخـسـره
صير ثلج يصير لك مثـل السعيـر
ماتميـل الا الغصـون المثـمـره
ومايسيل من الجـروح الا الغزيـر
من قبـل لاتنقهـر منهـى أقهـره
قبـل لايستحقـرك خلـك حقـيـر
استفزه،شتـتـه، فــج انـحــره
اعشق،أكره،عاتب،أشره،حن،غـيـر
أنثـره ،لملمـه ، لملمـه ، أنثـره
صد ،كابر، طير لـو تقـدر تطيـر
مـن متـى ونـا تحرالـي مــره
تثبت أنـي لاوقعـت أوقـع كبيـر
أبك أنا مقطوع من غصـن اشجـره
لاصديـق ولارفيـق ولا عشـيـر
ابـدوي شيـب الصبـر اشـعـره
ماعرف ريش النعـام ولا الحريـر
أن غفـا كـن السـحـاب يـدثـره
وان صحا يفرش من الرمضا حصير
ماخـذ مـن قسـوة البيـد أكثـره
ومن شموخ البـدو شـر مستطيـر
جنتـه صحـراه والشـوك أزهـره
والسـراب بنظرتـه مثـل الغديـر
أن فـزع يامشجـعـه يامظـفـره
من خلـق الله وهـو قـرم وفقيـر
كـان ماتقـدره قــول ماتـقـدره
صير غالي صـدق ولاا لاتصيـر
الغـلا اللـي ماتزعزعـه اهجـره
كـان قلبـك لايجـار ولا يجـيـر
شوف لـك واحـد بليـد استحقـره
واجد اللـي يعشقـون بـلا ضميـر
بس أنا لو جبـت لـي ميـة مـره
ماتحرك فـي شعـره لـو تطيـر
| |
|
خالد
اداري سابـق ♥
عدد المساهمات : 676
تاريخ التسجيل : 23/12/2010
| | موضوع: رد: قرم وفقير الإثنين أبريل 04, 2011 7:02 am | |
| يعطيك العافية على ماتقدمه ولك شكري وحترامي | |
|
ابو عواصف
الادارة تقدم شكرهـا لك على جهودك ♥♥♥
عدد المساهمات : 145
تاريخ التسجيل : 04/02/2011
| | موضوع: رد: قرم وفقير الأربعاء أبريل 06, 2011 7:30 am | |
| | |
|
الطيار
الادارة تقدم شكرهـا لك على جهودك ♥♥♥
عدد المساهمات : 315
تاريخ التسجيل : 18/03/2011
الموقع : اٍٍلسمـاء ٍٍالصــــافيهٍٍ
| | موضوع: رد: قرم وفقير الأربعاء أبريل 06, 2011 11:18 am | |
| | |
|
