الـــثـــــورة .. (( صوتية ))

مهند العشيش

ماراح دمك هـدر يابانـي الثـوره
ثورة شعوب العرب نـارك سبايبهـا

طاحت دول وانظمه بالجور مشهوره
محـدٍ عليهـا قـدر والا يحاسبهـا

الا انت ياللي اباسميـك الاسطـوره
حالك علـى مااقدمـت لالاتعاتبهـا

عبر الفضا مرسلين الصوت الصوره
ولكـل نفـسً تسـوّي مايناسبهـا

والحزّه اللي تسمّـى حـزّة الفـوره
تضفي على كل صادقهـا وكاذبهـا

والروس كـلً ترقّـب منتظـر دوره
وعيال يعرب تفتّـل فـي شواربهـا

حكّام تبطش ولاهي تستـر العـوره
ومجوّعين الرعيّه فـي مضاربهـا

والدوله اللي تسوّي اصلاح معـذوره
دام الشعوب اظهرت وشهي مطالبها

ورجال تتعب على الميقاف ماجـوره
يوم ان تونس عدو الدين غاصبهـا

ارض الكنانه عقب ماهي بمثبـوره
والشام تبغـى لهـا قايـد يرتبهـا

وطرابلس ياعقيـد القـوم مسبـوره
يامعمّـر الــدار دارك لاتخربـهـا

خل الحكم لاتجابـه نـاس مقهـوره
وانت اخبر النـاس فيهـا لاتجربهـا

ودار اليمن مشكلتها تقـل باكـوره
احزاب مايندرى شاللـي يصاحبهـا

دول وفيها العرب بالأمن مذعـوره
واشعوب ماتاخـذ الا ربـع راتبهـا

احقوق الانسان فيها مظهر وصوره
حقايـقً شيّبـت فـي راس كاتبهـا

صحيح نفسي من الوجدان مكسـوره
الغايب ابطى وحـال البيـن نندبهـا

لاتحسب اوضاعنا سهله وميسـوره
بعض البطانه ردي الحـال عاجبهـا

واللي تظاهر يبي حاجات محظـوره
الشرق وارض المنامـه لاتجاذبهـا

مالك ابد في خليج العُرب مقصـوره
دار الرفاقـه وتبطـي ماتقربـهـا

حنا ترى صفنا في صـف طابـوره
والشله اللي تريد اطمـاع نعطبهـا

وياليت مابالتمنـي يسطـع بنـوره
طهران تسقط ويسقـط راس ثعلبهـا

للبيت الاسود عميل وماخذ بشـوره
ولتل ابيب الولا لـو هـو يناشبهـا

بغضه لنا بين منهاجـه ودستـوره
شف لحيته بالمنابر كيـف يسحبهـا

والفرس من خلقة الدنيا بهـا بـوره
يالله عسى دولتـه بالشـر تنكبهـا

وحنا عطينا العهد من سابق عصوره
للدولـه الاوليّـه مانخـون ابـهـا

في ظل شرع الولي وثم اخو نـوره
وقبايـلً طيّبـاتٍ فـي مناسبـهـا

يسلم ملكنا ويبقـى بيـن جمهـوره
مثل السحابه ليـا قامـت بواجبهـا

الشرق الاوسط يثور وثورته ثـوره
والله يستـر علينـا مـن عواقبهـا

رابط للحفظ

[ندعوك للتسجيل في المنتدى أو التعريف بنفسك لمعاينة هذا الرابط]