ابو حدود
مرحبا بك زائرنا الكريم
ابو حدود
مرحبا بك زائرنا الكريم
ابو حدود
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


<
 
الرئيسيةالتسجيلأحدث الصوردخول

 

 هات الـدلال وولـع النـار ياجـداع

اذهب الى الأسفل 
2 مشترك
كاتب الموضوعرسالة
ابو عواصف
الادارة تقدم شكرهـا لك على جهودك ♥♥♥
الادارة تقدم شكرهـا لك على جهودك ♥♥♥
ابو عواصف


عدد المساهمات : 145
تاريخ التسجيل : 04/02/2011

هات الـدلال وولـع النـار ياجـداع   Empty
مُساهمةموضوع: هات الـدلال وولـع النـار ياجـداع    هات الـدلال وولـع النـار ياجـداع   Emptyالأربعاء فبراير 16, 2011 11:20 am

هات الـدلال وولـع النـار ياجـداع

هات الـدلال وولـع النـار ياجـداع
عجـل عليـه ياعـد و الرخـامـه
هات الحطب ياجداع من جبر وولاع
جبـره خشـب وولاع نـاره ثمامـه
وليـا غـدا للنـار ياجـداع شـلاع
وشفت الخشب منها تدانـى صرامـه
احمس من الخولان ياطيـب النـاع
لين النجـاض يبـن منهـا وشامـه
ودقـه بشامـي ٍ يجيـلـه تلـعـلأع
يصح النيام ليـا صحـا مـن منامـه
ثم هات لي صهب ٍ يداون الاوجـاع
اللي مـن الصالـي عليهـا سحامـه
قفز الغوارب والمقاضب والاكـواع
وبطونهـا ياجديـع فيـهـا هيـامـه
لا وقفـن ياصـاح فيهـن تـرفـاع
وفيهن على جبر الحديـده ضخامـه
صهب ٍ مثاعبهن مهاديـف ووسـاع
وفيهن مثل حـد السيـوف استقامـه
سميتهن ياجـداع والاسـم ماضـاع
هيفـا وهيفيـه وشيـمـه وشـامـه
لاشافهـا اللـي لـ البغاديـد مــولاع
شوش شعر راسه وطـش العمامـه
ولقـم وبهـر وانتـبـه للتـسـراع
واحذر يجي بـك يالبناخـي غشامـه
خل المبهـر تهتـوش فيـه الانـواع
بيـن الشقـاره والحمـر والدهامـه
اضن هاجـوس القصايـد ليـا راع
يقـرب ليـا فـك المهيـل بـلامـه
ويحضر عيون الشعر موجدت الابداع
معانـي ٍ فيهـا طـراه وجسـامـه
تذكر الفايـت وتصحيـح الاوضـاع
حـب البـداوه والبـداوه شهـامـه
يامحـلا ياقيـل لسهيـل مـطـلاع
شافـوه تـال اليـل يلمـع زمامـه
من نجد يزمي فـوق نجـران لمـاع
شافـوه اهـل تثليـث واهـل تهامـه
وجى للهبوب من ايمن الشرق ذعذاع
والعد عقب سهيـل راعـت جمامـه
وفزر هجير القيض واضفى له قنـاع
على السلم والسمـر مثـل العمامـه
والبل تلافت للجمـل وابـرد القـاع
وقامو هـل البـل ينزلـون العدامـه
والنار شفت الها مع الفجر شعشـاع
وقامو يحزمون الحطب في حزامـه
من عقبها خمسين ليـل ٍ لهـا اتبـاع
ليا بكـر الوسمـي ودلـى غمامـه
وجاله على ساقان من غرب ميقـاع
ويجنب ولا يملـك عريـق الثمامـه
ويشمل ليا القرعا وبير بـن هـزاع
على رجـم بـذال يرخـي خطامـه
وليا نهمل ودقه ومزنه ضفى ومـاع
على قراء الصمان يبخـص سنامـه
لين النبات اللـي يجـي لـه تنـواع
يفراء الحـزوم ليـا تملـت محامـه
وضاقت مع المشقر زهازيم الاقطاع
لاجاك راعـي نجـد يدفـع جهامـه
بدو ٍ تبي المرباع ثـم جتـك نجـاع
وكل ٍ عصب في سلت السقس خامه
قامت عطايا الله تضيق بهـا الارواع
شول ٍ يازين مـع الحمـاد ادحامـه
اول معاشيهـم مشابـيـع وجـيـاع
وراحو علـى ماقيـل شـده وقامـه
وشفت العسوس جيوبهم تقرع اقراع
اللي مدح واللي قصر فـي كلامـه
مالـو علـى دار ٍ للبـواش مرتـاع
فيها يجـي لهـل الحـلال التمامـه
كل ٍ معه وايت وصنـدوق وشـراع
ونـار ٍ رمادتهـا سـوات الردامـه
وذبايح ٍ تشـراء مـن البـدو وتبـاع
وكـل ٍ تجهـد مـاتـرداء مقـامـه
خذولهـم قامـات ثـم قيـل لـ الـراع
عن ضهر الركبي يحـذف المسامـه
قـرو ليـا قامـت تمريـع تمريـاع
سـوا لهـم راع الكرامـه كرامـه
ثلاثت اشهـر كلهـا وقـت مربـاع
وقامه إلين العشب يقـرب صرامـه
ولاقيل صيفي ٍ علـى نجـد تنـداع
كل ٍ صفـط عفشـه وقشـع خيامـه
تمزعـو مـن كـل جـو ٍ تمـزاع
بطرافهـم يكفـى المـدور يـدامـه
و راع الغنم مع دربهم شد ثم ضـاع
ايطوي الشبوك وقام يجمـع رمامـه
ماعـاد يلحـق لاذراع ٍ ولا كـراع
الشـاوي اللـي در شاتـه طعامـه
ألي خذتلي مع مقدم البـدو مـذواع
فنا ماعـاد الحقـت نفسـي ملامـه
هاذي طرات العمر والوقـت خـداع
وغارات بقعاء مـاش منهـا سلامـه
وصلو عدد ماغرد الـورق سجـاع
على النبي وازكى الصـلاة الختامـه


الرجوع الى أعلى الصفحة اذهب الى الأسفل
عبود كشخه
مشرف عام للمنتدى
مشرف عام للمنتدى
عبود كشخه


عدد المساهمات : 555
تاريخ التسجيل : 17/12/2010

هات الـدلال وولـع النـار ياجـداع   Empty
مُساهمةموضوع: رد: هات الـدلال وولـع النـار ياجـداع    هات الـدلال وولـع النـار ياجـداع   Emptyالسبت فبراير 19, 2011 8:38 am

:كشخه:
الرجوع الى أعلى الصفحة اذهب الى الأسفل
 
هات الـدلال وولـع النـار ياجـداع
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ابو حدود  :: اقسام المنتدى :: المنتـدى الادبــي وكل مايتعلق بالنثر والشعر والقصص والمحاروات ♥-
انتقل الى: