ابو حدود
مرحبا بك زائرنا الكريم


<
 
الرئيسيةالتسجيلاليوميةمكتبة الصورس .و .جبحـثدخول

شاطر | 
 

 مجموعه من قصائد الشاعر مانع بن شلحاط

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو عواصف
الادارة تقدم شكرهـا لك على جهودك ♥♥♥
الادارة تقدم شكرهـا لك على جهودك ♥♥♥


عدد المساهمات : 145
تاريخ التسجيل : 04/02/2011

مُساهمةموضوع: مجموعه من قصائد الشاعر مانع بن شلحاط    الأربعاء فبراير 16, 2011 10:14 am

لو الابرص خاشره في شاعر العجماني

راكب اللى ماش له ماما ولا لـه ببـه
أخترع شكله امريكي وصنعـه يابانـي
جيب شاصي فالعتش والصلب كن مطبه
طمرة الزيدي ليا غنـا لـه الجيلانـي
نصه اللـى فالحنايـا ماتغيـر حبـه
شايب و نقدره مـن عادنـا بزرانـي
هو أستاذي بالقصيد وفي عموق الغبه
في زمان العولمة والشاعر العلمانـي
برفسور الشعر واللـى سـواه نكبـه
لو الابرص خاشره في شاعر العجماني
قل لأبن شلحاط ابو الطيب هجا طرطبه
وذبحه فاتك وهو من خيرة الفرسانـي
و انت عود نص بطنه واصـلٍ لركبـه
لا تشقوى بالهوى وتحـرش الضبانـي
والهواجر شيخهم لا أبطيت منـه نبـه
والشحم فالك وفال الشاعر العرجانـي
والسلام ختامها و لكـل شـي سبـه
وانت سبة ضيقة الخاطر وصح لساني


===============================================================


القصيدة هاجرية واللحن قضعانـي

يا الدبيبة يا ولد عمي يا خي الدبـه
القصيدة هاجرية واللحن قضعانـي
يابحور الشعر يا اجمل ما تظم الغبه
يازفير الموج ياللولو ويالمرجانـي
جعلكم بعد السفيه اللى دعم فالشبه
يتبع جموس البدو فالسايد المثنانـي
و الله اني ما أكرهه لكن ماني بأحبه
كرهني يا كرهني للعالـم الفقرانـي
من تعشى الحبحبه .يجمع بقايا حبه
خاف يزرعها الفقير ويكبر البستاني
والسلام ختام والباشا يدق الصبـه
أنتهى الموجز و أحولكم على كراني


===============================================================

ان بغيتوا تفلحون

يا عرب والله مابه دون معنى الهون هون
لا رضيتوا بالمذله ما على الدنيا طراه
افزعوا يا ربكم لا من فزعتوا تسلمون
من عذاب الله دام انه وضع طوق النجاه
ليتكم في كل ليله تركعون وتسجدون
وتطلبون اللي يجيب الداعي ليا من دعاه
الكريم الواحد الفرد الصمد .. لو تذكرون؟
وش يقول ( المصطفى ) في اللي تفلّس في الحياه
ماله الا النار تاكل كل شكل وكل لون
افزعوا يا مسلمين الله .. ترى ما به سواه
وش لقيتوا من زمنكم غير تجديد الديون
فقر دين وفقر فالدنيا ولا شفتوا غناه
وكل بلدان العرب تنهب تحت مرأى العيون
وان سمعتوا شي يذكر راح من عنده وراه
والجماعه كل ابوهم ينظرون ويسمعون
بس ما في اليد حيله وش يفيد الانتباه
غير لا منا رجعنا للحقيقه وش تكون
مابه الا الدين يدعيكم وبذيتوا خفاه
كل ليه .. تسهرون وتبسطون وتلعبون
بنت هاس وبنت ديمن .. دق عود .. وما سواه
والرجل زيّن حياته .. فيه مال وبه بنون
بس طاري الباقيات الصالحات أصلاً نساه؟؟
وش نقول و وش نخلي .. ياعرب لو تفهون
الحياه تمر وبسرعه .. وتاليها الفناه
ان بغيتوا .. تَصلحون وتِصلحون وتِفلحون
اتركوا كل السوااالف ... و (( الله الله في الصلاه ))


===============================================================


زهرة العمر

في جبل قسيون رغم ارتفاعه والبراد
ما سليت اللي تربع بـ.. قلبي ما سليت
هب لي من يمها ريح واخطيت الرشاد
اتعزز وادفر الحزن لكن ما قويت
من طرفها رحت كلي حشاد في حشاد
كل لا منها طرت لي... تنهتّ وبكيت
يا وجوي بالتوجاد من حزني وجاد
وجد من يحسب مع العالم الحيين ميت
انتشر فيه السرطان في دمه وزاد
ما بقى له شي ممكن ولا تنفعه ليت
مثل وجده وجد حالي على ذيك البلاد
لو مالي به جماعة ولا لي فيه بيت
مير قلبي له من ساكنه ملح وزاد
ما نسيت اللي مضالي معاها ما نسيت
عشت معها زهرة العمر فأيام العياد
ارتوت نبع الغلا العذب مني وارتويت
ويش خانت زرعنا اللي تقفاه الحصاد
اشهد ان حزبي تمكن بروحي واستويت
هًل يا دمع الغلا.. هًل في يوم الحداد
و... ون يا قلبي ولا هوب سين ولا اعليت
والله انه اقداك ما جاك مع صبح وهجاد
لعنبو من زيد طاعك ليا منك انتويت


==============================================================


لعيون عايـض

لعيون عايـض بآمـر اخشـوم الأقـلام
ترقـص لبـو عثمـان بأجمـل بيـانـي
شاعـر قبيلـة و اتحـدث باسـم يــام
عجمـي و لا سولفـت مانيـب اثـانـي
انقـا و لـي مبـدا و نظـرات قــدام
و اقـرب وسيلـة للقـلـوب الاذانــي
و الشعر ما هـو مرجلـه لكـن اقسـام
و اخذت قسمـي عـارف و ش مكانـي
و اهدي سلامي لا عترض ريح الانسـام
يفـوح ريـح الهـيـل و الزعفـرانـي
يكسب رضاكم و د و اعجـاب و اهيـام
و يـزف لرجـال الجنـوب التهـانـي
هنا محل الطيـب و حضـوره احشـام
جمعا هـل الطـولات قاصـي و دانـي
و تحيـة ٍ تخضـع و فـا عبـر الايـام
تبقـى مـدى التاريـخ تحفـظ كيـانـي
تكسب رضا شهران في شعـري اشمـام
زبـن الدريـك و مـرجـع ٍ للعـوانـي
ربع ٍ تسـرك لا غـدا الموقـف زحـام
و الكـل منهـم صـامـل ٍ مرحبـانـي
اهل الوفـا الوافيـن و رجـال الاقـدام
يــوم الـزمـان الفـايـت القلبـانـي
بطولـة ٍ يفخـر بهـا وجـه الاســلام
مـوت ابرهـه دون المقـام اليمـانـي
و ليا اعتزا ابن مشيط ثم وقـف و هـام
مـا قـال يـآل رشيـد قـال شهرانـي
صكوا عليـه بشلـف ورمـاح و حسـام
وراع الذلـول بصـف راع الحصانـي
و نادوا بناهس و ارتكا الحـظ ثـم قـام
و البيـض لإبـن فاهـده فـي البيانـي
و جاك الفويـه بشعلـة تضـرم ضـرام
يقـدع بنـي واهـب رجـال التفـانـي
و ان قربوا الرمثين من جمـع الاخصـام
عـز ٍ لابـن شكبـان مـا هـو يهانـي
و بنـي منبـه تـودع العايـل حـطـام
مـا يقلـط ابـن عميـر بالمشبهـانـي
و بالقرب فـي ساحـة الحـرب مقـدام
بـأولاد مفلـح مـا دخلـهـم جبـانـي
و ان جر ابن هشبل غشى الصبح الاظلام
و زعزع بجاد و موخـر اليـوم شانـي
و بني سلول احنوا على مشاري و صـام
عـن الشـراب الينـه اروا السنـانـي
و جاك الصوع في كود ما سمـع لـوام
و افنـى الجمـوع و دك كـل المبانـي
و ابن رزيّم في ضنـى آل غمـر قـدام
اليـا تفهـق فـي الـلـزوم الهـدانـي
و ابن سنـا مـا يمسـك الغـوج بلجـام
لا زعـزعـوا زلاّل فــك العنـانـي
و رمح ٍ لاين شفلوت في الضـد ملحـام
يقـدع بنـي سامـه فـي كـل المعانـي
و فزعة بني ماجور تركـز لهـا اعـلام
في ساحة ابن الذيـب مـا هـي تهانـي
و من لاذ بآل عجير مـا هـوب منضـام
و سرحـان مـع حجـاج درع المحانـي
و من لا ذكرت اسمه له و شاح و و سام
و ارجـوه يغفـر لـي خطايـا لسانـي
ذا حد عرفي يـا هـل العـرف بسهـام
مـن دونكـم شعـري كسـول ٍ ووانـي
صفر المحازم لا طغـى الضـد ثـم زام
قضّايـة الــلازم مـقـر الحسـانـي
شهـران ماردكـم علـى الكايـد حيـام
و وقت الرخا فيكـم و صـوف الجنانـي
مـن حـد بيشـة للسـروات مــا دام
غيـر اسمكـم يـا معربيـن المجـانـي
ربعـي و صحبانـي مطانيـخ و كـرام
الله يـآنــي فـيـكـم أزود يـانــي
و بيـت لبـن سـرّار يبقـى لـه انغـام
ما للعمامـة مـع هـل الـروس ثانـي
هـذا و تـم القـاف و انـا صـدى يـام
و في الختم لا سولفت مـا نيـب أثانـي


===============================================================


كل ماتوحين

كان ماتوحين مشروه من يهديك روحه
وش خانت دزة أخطاي من ديره لديره
وكان ماتوحين مشروه من يشكي أجروحه
ويش خانت ونة أحشاي والعين السهيره
وكان ماتوحين مشروه لا من قلة أمزوحه
ويش خانت هجري الدار وافراق العشيره
وكان ماتوحين مشروه منهو غرق السوحه
في بحر حبك تحطم وحاس الله مريره
ودي أزعل واتغلا وأنا نفسي لحوحه
كيف ذا والعقل خاتم على خنصر الأميره
وان بغيت الصد عيني على شوفك شفوحه
سالفة الأمثال في ((العين واليمنا القصيره))
قالها:المخلص بحبه وقافه صار بوحه
كان ماحوله مشاريه ما له معك سيره
قاتنه لوكان مالك بوسط أحشاي دوحه
ما وصل مشروه مانع بشعره وتعبيره


===============================================================


انا ابشر

انا بشر ماني لعابيب بزران
ولا صار ما انتي قد الحب خليه
الحب للي له مشاعر ووجدان
ما هوب قولت ذا ابيه وذا ما ابيه
الله خلق الإنسان ثم عز الإنسان
لكن بني جنسه تهينه وتفنيه
دون الكرامة كن الإنسان حيوان
ولا احد يهين الآدمي مثل معليه
لا من غداله بد الاحباب عنوان
ثم صد منه صدة اللي امعاديه
أحية من حر النيا بعض الاحيان
والى بغيت اجزيك بالصدة أحيه
ما اقدر ولا حاولت صده وسلوان
يظهر لساني عيب قلبي وما فيه
والى طريتي والسوالف لها شان
دويت ثم صاح المسولف مية هيه
قد كنت ما اصدق بغيبات الاذهان
واثره صحيح ان كل ما اذاك تطريه



____________________________________________________________________________________________________
الرجوع الى أعلى الصفحة اذهب الى الأسفل
خالد
اداري سابـق ♥
اداري سابـق ♥


عدد المساهمات : 676
تاريخ التسجيل : 23/12/2010

مُساهمةموضوع: رد: مجموعه من قصائد الشاعر مانع بن شلحاط    السبت مارس 19, 2011 3:10 am

كبير وذوقك كبير
يعطيك العافية

____________________________________________________________________________________________________
الرجوع الى أعلى الصفحة اذهب الى الأسفل
تركي الاسود
اداري سابـق ♥
اداري سابـق ♥


عدد المساهمات : 442
تاريخ التسجيل : 17/12/2010

مُساهمةموضوع: رد: مجموعه من قصائد الشاعر مانع بن شلحاط    الثلاثاء مارس 29, 2011 6:04 am


____________________________________________________________________________________________________
الرجوع الى أعلى الصفحة اذهب الى الأسفل
الطيار
الادارة تقدم شكرهـا لك على جهودك ♥♥♥
الادارة تقدم شكرهـا لك على جهودك ♥♥♥


عدد المساهمات : 315
تاريخ التسجيل : 18/03/2011
الموقع : اٍٍلسمـاء ٍٍالصــــافيهٍٍ

مُساهمةموضوع: رد: مجموعه من قصائد الشاعر مانع بن شلحاط    الخميس أكتوبر 06, 2011 11:50 pm

يعطيك العافيه ..

____________________________________________________________________________________________________
الرجوع الى أعلى الصفحة اذهب الى الأسفل
 
مجموعه من قصائد الشاعر مانع بن شلحاط
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ابو حدود  :: اقسام المنتدى :: المنتـدى الادبــي وكل مايتعلق بالنثر والشعر والقصص والمحاروات ♥-
انتقل الى: