لعل السحاب اللي يخيل وفيه بروق

لعل السحاب اللي يخيل وفيه بروق

لعل السحاب اللي يخيل وفيه بروق
على اول دخول الوسم مع طيحة الامطار
تساقا ثعوله من سميره ليا ساحوق
على الديره اللي تنبت الربل والنوار
تباشر به البدوان معهم يزيد الشوق
مشوا واشملوا من عقب ما انووا علىالمحدار
ليا جاهم العساس والعلم جا ماثوق
ولقا شبعة البل فالخزامى وفالصفار
ليا زوعت برقا واحالت تباري روق
تخالط دبشهم فالمضحى وفالمحضار
منازيلهم دايم دكاك ودماث عروق
ويشبون للبل لا ضوت فالمراح النار
نباها تزوع يا محمد مع المشقوق
تحط الينوفي والعبل والجذيب يسار
مجاهيم شول يوم تزمي مع اللاهوق
كما الغيم الاسود يوم يزمي مع النهار
سوادت وبرها كن فيه الكحل مسحوق
هي البل ليا قامت تبادح تقول احرار
عددها يجي تسعين ملحا ومنها فوق
فطاير وسدس وربع واثنا ومعها بكار
تخازر تبا الراعي ليا ساق له مسيوق
طوال الغوارب واللحي والردوف قصار
مذاريب اذانيها كما الخنجر المذلوق
وساع المناكب والنحر والظهور كبار
مواريث اهلنا ما شرانا جلايب سوق
لو ان البداوه عودت في يد التجار
بنات الجمل حرشان هرشٍ بعيد عموق
كبير الخفاف وطول جنبه ثلاث امتار
سنامه عن الغارب ورا فاهقٍ مفهوق
طويل السنام ليا زما يجحد الفقار
عريض بخده رخوم ووسيع شدوق
جليل العضود وشطحٍ ما تنوش الزار
انا مولع ٍ فالبل واوصف وراعي ذوق
ولي نظرةٍ والناس تخالف الانظار
ترى البل تسلي واحدٍ خاطره مخنوق
اناسه ورفع حجاج وتهيض الشعار
تخض العشوب وتقطف الربل والزملوق
ثلاثين ليل يبين الزود فالمشكار

مشكوررررررررررررررررررررررر

» انشد اللي يفهمـون المعانـي
» بالله ياهل الركاب اللي من المطراش ضمار
» ياصلاتـي( ريحينـي) ياصـلاتـي همي اللي في ضلوعي ماقويتـه
» تبون تعرفون الجمله اللي يتسابق ثلاثين ملك عليهاَََ
» انشدك عن رجلٍ يدل الرجـــــاجيل.......... دربه دهــر ما ينبت اللي مشــى به