ابو حدود
مرحبا بك زائرنا الكريم


<
 
الرئيسيةالتسجيلاليوميةمكتبة الصورس .و .جبحـثدخول

شاطر | 
 

 ملحمة الليث والمهاة وبنات آوى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
راعي الحيزا
يعجبني تفاعلك ♥♥
يعجبني تفاعلك ♥♥


عدد المساهمات : 67
تاريخ التسجيل : 05/01/2011
الموقع : فــي سجـــن الذكــرريااااتــ

مُساهمةموضوع: ملحمة الليث والمهاة وبنات آوى    الخميس يناير 06, 2011 1:34 am




بـسـمـك اللهم يـــارب الـجـلالـي
بـارك اللّـه مـن نـظـم هالملحمـيّـة
بـارك الرحمـن مـن قـافـه مثـالـي
يحفظـه مـن شـر كـل نفـس وأذيّـة
بلغـوا الطرقـي إنْ عَـزَمْ للارتحـالـي
يـاخـذ الـقـاف ويــروح العقربـيّـة
قـاف نافـذ مثـل نبلـن مـن خـلالـي
يـوم قالـوا باقـي وتـرحـل شـويّـة
كـان لـك قـدره علـى وصلـي تعالـي
الحقـي عمـري دنــا مـوتـي إلـيّـه
أعشقـك واعشـق مداهـيـل العـوالـي
ومن عرفتك قـد نسيـت إن لـي خويّـة
اطلـع بـراس الطويـل وفـي خيـالـي
صـوت عـودن يوصـي مثلـي يابنيّـة
قال للي:.... ماجـد دع الحـب الثُّمالـي
لاتضـيَّـع حـالـك بـحـب الصبـيّـة
اصعـط جنونـك دع الـحـب لاتبـالـي
قبـل لاتشـوى عـلـى نار(ن)صلـيّـه
الـرجـال وبـيـدوا حـيـل التـوالـي
ماقوتهـم بالحـيـل او هــي بهـيّـة
والبنـيّ لوهـن نـون ابـن الهـلالـي
ماتفـيـده لا شـجـاعـه لا حـمـيّـة
وقلبـك الّـي ملاعب(ن)نجـم الشمالـي
يرضخنّـه والـبـلا الطيـحـة قـويّـة
لايعـافـى ولا يـمـوت ولا يـشـالـي
وتسْمـع نّياحـك مـن الجـوف الحويّـه
تحسب انْهِـنْ يرحـم(ن) دمع(ن)همالـي
البنـي يموتـن علـى دمـوع الضحيّـه
يتركـنّـه لـيـن يـشـرف للـزوالـي
ويسعفنّـه لأوشــك مــن المهلكـيّـة
ما ارحمنّه لاجل يبـرى مـن اعتلالـي!!!
لاجـل مانفـسـه تحـررهـا المنـيّـه
لاشهر(ن) رمـح الغنـج ويّ ا الجمالـي
يـرم(ن) الرجـال مـن ظهـر العبـيّـه
نـاره(ن) لـو تلفـح متـون الجبـالـي
تصـهـر الـصـوّان نــار اجهنّمـيّـه
الـزم المسجـد قبـل يـوم السـؤالـي
وصاحـب اللـي يعشقـون المهمهـيّـه
النهـار ان صـار دون عــن الليـالـي
وبـانـت العـقـرب تبـشـر ببـرديّـه
قبّـعـوا يــم الـذريّـع والـجـلالـي
ومنّهـن يـم الرعـن عــود القـريّـه
ولا اعتلى الذابـح سعـد والجـو مالـي
تزهـر الفـيـاض وتغـنّـي صفـريّـه
وجّهـوا غرب(ن)الـى صحصـاح عالـي
للحـمـاد وشفّـهـم صـفـق الرمـيّـة
عـدّو اعـقـوم الحمـايـة بالعجـالـي
وقصّوا الحـرّه سـوى لوهـي امحميّـه
يرخصـون المـال والـمـال امتثـالـي
وللدراسـه والوظيـفـة كــل تحـيّـه
يقطعـون الـوادي بـالـوادي هبـالـي
جيبـهـم كـنّـه الا حــنّ ارعـديّــه
ويل عنز الرّيم ....تعـرض للرجالـي!!!
ماتضيـع الا يضـيـع العـمـر ديّــه
تزبـن الجـال بمضـى صـوب العوالـي
وجيبهـم يـرقـى وراهــا بمقـدريّـه
ثمّ تُصْفـق بالطلـق والخشـف يسالـي
سـلّ سلّـه والحقـوه ابـهـا سـويّـه
يكشف الرّمي النشامـا... ثـم تعآآآآلـي
امكنـوا هجّـوا تـرى الدولـة حـريّـه
ويمسـك الطـاره صمـيـدع مايبـالـي
يشلق القـاع ان دعـس رجـل العطيّـه
والحمايـة بـثـر جيـبـه كالظـلالـي
غيْـر بأنـه دايـس الظلـمـا سنـيّـه
عارف(ن) وجـه الحمـاد ابـن الحلالـي
عرفـه لناسـه وربعـه مــع ذويّــه
أطفا نور الجيب يتلونه؟...... محااااالي!!!
والحمايـة تصـفـق الـكـف بخـويّـه
شـدّ حيلـه راعـي الجيـب الكْمـالـي
ولا وقــف الّا مـافـوق العجـرمـيّـه
نــزّل العـزبـه وثــم دنّ الـدلالـي
وشبّ ضـوّ(ن) يجلـب الطرقـي ضويّـه
قلـت يالعـود الكبيـر اوجعـت بـالـي
لاتعـد الّــي مـضـى أنْــه أمثلـيّـة
فكّنـي مالـي سـلـى عـمّـا غـدالـي
ولا لفـقـدي لاصـبـر او عائـضـيّـه
الهـوى دائـن ونــا دائــي دوائــي
داونـي بـام العيـون(ن) الشركسـيّـه
كـم فتـى ً ولّا بفـال(ن) غيـر فـالـي
كيف لوهـو عاشـق(ن) لـه عسلجيّـه
يصحـب الريـم الجفـولـه والغـزالـي
ثـمِّ يرعـى بالظبـاء رعـي الشلـيّـه
يـا لفـنّـه كـثـر ولـفـه للهمـالـي
سايـح(ن) وسـط القـفـار الجرهـديّـه
يرمـي العزبـة علـى كتـوف السهالـي
وينـقـل (اربابـه)ونـاي وسمسمـيّـه
ثـمِّ يسحـب فـي قصايـدْه الجـزالـي
هيّضـه للبـنـت صــوت الراعبـيّـه
الـوجـد ذوّب خفوقه.لـيـن. سـالـي
يـومِ شـاف الريـم مقتـولـه بـريّـه
يالنّصـوح افهمنـي نصْحـك ماعنـالـي
وأعلـم انّـك مـاخـذه مــن تمثلـيّـه
لكـن الواقـع بعيييييـد عـن المثـالـي
انـت عنّـي كالوطـاة عــن العلـيّـه
هـذا انـا ياهيـهِ وافـهـم ماجـرالـي
بالليالـي كـم نـقـل راســي علـيّـه
وهـذا انـا ياهيـه واسمـع ماطـرالـي
يـوم شبيـت السعيـره مــن هنـيّـه
لاجــزاك الله خـيـر(ن)وش بـقـالـي
مـن بعـد بنـت الشـيـوخ الجابـريّـه
لاتوصّينـي وكــف قــول الهـزالـي
ولا تفلسـف بالحـكـم مـالـك ولـيّـه
لو عشقـت أشباههـا... جـاك الخبالـي
كيـف لـو تعشـق حسـن كـل البريـة
ياعمـرو ماجتـك ياعـمـرو الجـلالـي
لاقطعـت ارض(ن) ولاجـتـك المجـيّـه
لـو وطيـت بكـل حــالات الرمـالـي
مـن سنين(ن)صـار لـك جيّـه وجيّـه
كـفّ عنّـي خــل قـولـك للعيـالـي
شيبـي عـن خمسيـن بعثـه خارجيّـه
الهـوى لأحكـم علـى قلـوب الرجالـي
قفّلـوا المشفـى وصـكّـوا الصيدلـيّـه
والهنوف الـي ملكـت خيـر الخصالـي
نــــادرة ...لاوالله الا اوحــديّــه
(ا)رحلـت جبـر وبـدى ينسـم حـالـي
شـدّو أهلـهـا بـهـا لارض اقطـريّـه
ليتـي ماعرفـت الهـوى دالـه وسالـي
لاهـوى شرقـي ولا بـي مــن بلـيّـه
وشفتها وشفـت الجمـال الـي انزوالـي
غيـر عـن كــل البـنـات اليعربـيّـه
لـو بوصّـف حسنهـا شـيّـن يقـالـي
وبعـض شيّـن لـو يوصّـف كارثـيّـه
كـان كلّـن عـاف عشقـة مـن مقالـي
ويـن لـه مثـل الهنـوف السرمـديّـه
لاقصـيـره لا. ولا ضـمـن الطـوالـي
وفارعـة وقــت التشـهـد والتحـيّـه
خصرهـا عفـوي يتثنـا فـي تعـالـي
والحـشـا مـثـل الـمـراة الزالقـيّـه
ومادنـا لاشفتـه (ا)يجينـي اختـلالـي
اسـرق النـظـرة وتـزعّـل مستحـيّـه
غيـر بانّـي شفـت هالسّـاق وبـدالـي
ابيض(ن)مصبـوب صــبّ المزهـريّـه
عينهـا لاسلهـمـت لــي باختيـالـي
اشعـر ان الـكـون بعـيـون النقـيـة
ماجد(ن)مـاهـو بــالاول يـاحـلالـي
قولوا يعنـي.... قيـس ليلـى العامريّـة
مثْلـه أمسـي بالخـلاوي دون أبـالـي
الثّـرى فـراشـي وترعـانـي الثـريّـة
انقطـع حبـل الرجـا وكـل الحبـالـي
مـن تعـدّت حـد سلـمـى موادعـيّـة
راعنـي علـم الـوداع وجيـت مـالـي
غيـر بـدع الـقـاف حــزّة مغربـيّـه
كانهـا لازالــت بــذاك الغـلا...لـي
بلّغـوهـا بـاقـي لمـاجـد وصـيّــه
لاسمعتـي بأنـنـي جـانـي مجـالـي
وحضـرت سـاعـة مـلاقـاة المنـيّـه
اعلمـي بأنّـك سبـب كــل اعتـلالـي
وش هنـوف(ن) خلّـت الليـث الضحيّـه
والله انّـــي يـاحـلالـي لا ابـالــي
حـزّة المـغـرب وجــت كيبـورديّـة
جيـت اوقّـف لكـن الهاجـس ندآآآلـي
جابلـي مـن وادي عبـقـر شيصبـيّـه
وافـيـه عنـقـا جـزالـه عيطبـالـي
ساقهـا لـي الحـوت حـوت المظلميّـه
مـن وسـط غبّـه بهـا سبعـة ظُلالـي
ظلمتـن مـن فـوق ظلمـه خرمسـيّـه
والّـذي انـزل كتـاب(ن) غيـر بـالـي
فـيـه فــات وآت وعظات(ن)جلـيَّـه
مرتجلهـا جــل جــلّا ذو الجـلالـي
واهبـي علْـم(ن) لـدن ماشفـتِ زيّــه
واحد(ن)فرد(ن)احـد منـشـي الثقـالـي
يخبـط(ن) غيث(ن)تسـحّـه عقربـيّـه
الّلـه الّـي قـد حمانـي بمـا مضالـي
بالعشـر والحشـر والسّـبـع الثنـيّـه
واللّـه الّـي مـدّنـي بـالّـي طغـالـي
وعزّز (أ)بما... مـا لغيـري بكـمّ ميّـه
ربّـي حبس(ن)حابـس(ن) يالمُتعـالـي
مـع شهاب(ن)قابـس(ن)لـي حـارزيّـة
ربّـي لسْـنـا الّْا عبـيـدك والمـوالـي
ياإلاهـي انــتَ جـاهـي لا الدعّـيـه
أنـتَ مـن أنعـم علـي والشّعـر مالـي
لاتكلنـي لنفسـي او نـفـس الغـويّـه
ربّـي ان الخـلـق قـالـوا ذا محـالـي
ليس لي !!! من سبـك عامـر والبقيّـة
ربّي هل عامـر سـوى رجـل انعزالـي
راعـهـم طـاريـه قـبـل المقدمـيّـه
ربّـي هـل أتباعـي إلا مــن عيـالـي
يخطفـون البيـت قبـل ارسـم بيـديّـه
لاغـدت مابيـن قيـل وبـيـن قـالـي
هل سواي احْد(ن) قـوى يقـص الخطيّـه
ولاغـدت مابيـن صـال وبيـن صالـي
هل سواي احْـد(ن) قـوى يـرد السريّـه
ربّـي قـد الزمـت نفسـي ألامتثـالـي
للصراحـة والصّـدق مـع حسـن ِ نيّـه
ربّـي قـد الزمـت نفسـي لـو صفالـي
يومـي بنسـى كـل ليـالـيّ الشقـيّـه
ربّـي انّـي انْ بعـت بابـيـع غـالـي
وان شريت افلا سـوى رجـال(ن) ابيّـه
ربّـي انّ الليـل طـال اللـيـل طـالـي
والعـرب مابيـن هـوّ وبـيـن هـيّـه
العُقـال ويبكـي مـن فرقـا الحجـالـي
يـوم طارتبـه عــن الارض الحـديّـة
يازمـان(ن) يخلـف الهـقـوات تـالـي
يقطـع اطْـنـاب المسـوبـع جاولـيّـه
المراكـي واصبحـن تـحـت الـزوالـي
والـوجـار ولا بـقـى لــه افضلـيّـه
أشهـد الموقـف ونـا طبعـي شمـالـي
وصـدري اوسـع مـن جميـع الدائريّـه
لكن الصـدر الشمالـي ان ضـاق هالـي
ينفجـر مـثـل البراكـيـن (أ)بـدويّـه
الصّـدر دمـدم علـى صـوت الجدالـي
والكبـود أكْلـت علـى نـار(ن) ونـيّـه
اسئـل المهـمـوم ويــردّ السـؤالـي
مالقيـنـا لــه جــواب ولا دِريّـــه
برسـل استفهـام يومـي لمـن ومالـي
وش عـلام القومـي يرمـي الناصريّـة
علّـمـوا حــزب الـوفـد ياهمّـلالـي
والله انّه غارقن ( بس . كن . دري يـة )
عمرو موسى يلقـي (أ)خطـاب ارتجالـي
ساعـي (أ)بلـم العـرب يسعدلـي بيّـه
لكـن (أ)معمّرقطـع والصّـوت طـالـي
ثايـر مـن الـعـام فــزّاع لسمـيّـه
والشّعـوب (أ)تقسّمـت شيّـن سحالـي
وسمّـوا الاخــرى تماسـيـح خفـيّـه
وحْدوهـا ياعمـامـي ويــا خـوالـي
قبـل يغـدون العـرب لقْـمـه طـريّـه
خلّـوا البـث للجميـع ان كـان ضالـي
علّنـا نبـصـر حـلـول(ن) عالمـيّـة
كبْدي لو تقدح تبـي (أ)تسـوي اشتعالـي
وعينـي اخبرهـا الا وصـلـت عمـيّـة
القصف عشوائـي كـل شـيّ احتمالـي
يمكن ارمـي حتـى نفسـي فـي شظيّـة
لانهـا قـد وصّلـت فــوق احتمـالـي
والقصـف جـو ارض حايـس بالفضيّـه
نفسي نفس الّـي عشـق روس الطوالـي
نفـس حـرّ(ن) مقتلـه جــو الدنـيـة
الزّمـن يبطـي فـلا يـعـدل عقـالـي
كـاسـره يمـنـى دلـيـل الخـالـديّـة




الرجوع الى أعلى الصفحة اذهب الى الأسفل
خالد
اداري سابـق ♥
اداري سابـق ♥


عدد المساهمات : 676
تاريخ التسجيل : 23/12/2010

مُساهمةموضوع: رد: ملحمة الليث والمهاة وبنات آوى    الثلاثاء مارس 29, 2011 2:49 pm

امتعتني بهذه الابيات وشكرا لك

____________________________________________________________________________________________________
الرجوع الى أعلى الصفحة اذهب الى الأسفل
حياة
ادارة المنتـدى الاسـلآمي
ادارة المنتـدى الاسـلآمي


عدد المساهمات : 1097
تاريخ التسجيل : 04/05/2011
الموقع : الشرقية

مُساهمةموضوع: رد: ملحمة الليث والمهاة وبنات آوى    الإثنين أكتوبر 03, 2011 9:16 am



مــــــــع تحــــــــياااااتي البـــــــــــــٍرنسيـسٍهًٍ

____________________________________________________________________________________________________
الرجوع الى أعلى الصفحة اذهب الى الأسفل
الطيار
الادارة تقدم شكرهـا لك على جهودك ♥♥♥
الادارة تقدم شكرهـا لك على جهودك ♥♥♥


عدد المساهمات : 315
تاريخ التسجيل : 18/03/2011
الموقع : اٍٍلسمـاء ٍٍالصــــافيهٍٍ

مُساهمةموضوع: رد: ملحمة الليث والمهاة وبنات آوى    الجمعة أكتوبر 07, 2011 2:40 pm

مشكور ..


يعطيك العافيه..

____________________________________________________________________________________________________
الرجوع الى أعلى الصفحة اذهب الى الأسفل
 
ملحمة الليث والمهاة وبنات آوى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ابو حدود  :: اقسام المنتدى :: المنتـدى الادبــي وكل مايتعلق بالنثر والشعر والقصص والمحاروات ♥-
انتقل الى: