ابو حدود
مرحبا بك زائرنا الكريم
ابو حدود
مرحبا بك زائرنا الكريم
ابو حدود
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


<
 
الرئيسيةالتسجيلأحدث الصوردخول

 

 رجل ٍ من الدنيا خذا سبعة صنوف =طاف البلاد وكل كيف ٍ سعاله

اذهب الى الأسفل 
5 مشترك
كاتب الموضوعرسالة
نغم
الادارة تقدم شكرهـا لك على جهودك ♥♥♥
الادارة تقدم شكرهـا لك على جهودك ♥♥♥
نغم


عدد المساهمات : 148
تاريخ التسجيل : 29/03/2011

رجل ٍ من الدنيا خذا سبعة صنوف =طاف البلاد وكل كيف ٍ سعاله   Empty
مُساهمةموضوع: رجل ٍ من الدنيا خذا سبعة صنوف =طاف البلاد وكل كيف ٍ سعاله    رجل ٍ من الدنيا خذا سبعة صنوف =طاف البلاد وكل كيف ٍ سعاله   Emptyالإثنين أغسطس 15, 2011 2:40 pm

ماجد الزيد
رجل ٍ من الدنيا خذا سبعة صنوف =طاف البلاد وكل كيف ٍ سعاله
ومن الرفاقة شاف كرعان وكتوف =فيهم رجال وْاكثر القوم عاله
تعال يالي تشتكي ضرب و سيوف=همّك سخيف وفي حديثك جهاله
عيب(ن) على مثلي اذا هذي تْطوف=ياخ أنت مسلم بس عقلك . حثاله
بعض الرجال يشوووف ويشوف ويشوف=والبعض شوفه ما تعدّى نعاله



ماجد الزيد
يقول الفتى الجبري بصافي مثايله =تقل عيس روس اسنامها قذال مايله
كما حمر لا داسن على البيد تشتكي=اطيط الوطى من وقعهن صرّ عايله
ثمانين حمرا سياق من لو تزيدهن=الى الالف والالفين والسبع نايله
لعينا هك العنقا المغازي تشوقني=ومثلي يروم سهيل ويفزّ طايله
لعينا الذي بعيونها المسّ والسحِر =طلاسم سما حورا من الله هايله
تقول انها من حسنها شافت النّبي=وصابت لها دعوة فلا هيب زايله
تحوش المحاسن كل ابوها وترتقي=لبدر الثنا والعزّ عن كل ظايله
فـ ذا هي لفتني يا سمواتي اشهد ِ = لها القلب ركن وحب وأبّ ٍ وعايله


ماجد الزيد
وشلون زان النوم بعيونك السود
الي بهن سحر البحر واطخم الجان
ياريح مسك وخالطه ابيض العود
يامترفه يالين يا انعم من الزان
يا اعذب من الهداج واطرا من النود



يا ملّ قلب ٍ كل ما انحر به خلوج
همّل بصدري له خلوج ٍ حانيه
لا منّها حنّت يصكّـن الفجـوج
وترجع على قلبي تدّكـه دانيه
من حنّها قامن يموجنّ البـروج
وسْهيل يبكي للثّريا فانيـة
الله من همٍّ وسط قلبي يلوج
سمّ الخياط و لاج منّه سانيه
لا من طرى للرّوح لحظات الخروج
تنتل نفسي من عروقي جانيه
دمعي يموج ٍ وكل موج يْدف موج
و ضيقي مراكب والأمل ربّانيه
ياما تغانمت الهواء ويّا غنوج
ون طاب منْ ترفه يدوّر ثانية
يا مسرع الدورات بالدنيا تهوج
تخدع لياليها قلوبٍ رانيه
قبل أمس ويّا رفقتي فيها أروج
واليّوم شفهم في وطاة ٍ قانيه
قامت تشلّعهم من ظْهور السّروج
سلعوة ٍ وأنيابها ثمانيه
كم لي من الفرقا على روس البروج
اشكي على الجوزاءَ ما أتآنيه
اليوم بالدنيا ولي فيها مزوج
ولي يوم محمول ٍ تشال امتانيه!!
متساوي ٍ قبري مع قبور اللحوج
والرّيح بالسّافي عليّا بانيه
ولامن طرتلي ضمّة ٍ للقبر اهوج
ويش اغنى عنّي في القبر سلطانيه
يارب تنجيني من ايام ٍ تموج
فتنة وياهم قلّتن اعوانيه
شيعة وسنة بين عباد الفروج
وذاك العوَر عاثي بهم بالثّانية
مسرور ! وليا رجّ في راسي الرجوج
ودّي البشر تاخذ بما اعطانيه
ثلاثة وسبعين شعبة في رتوج
فرقة عهر مومس وأخرى غانية
ظلمى وريح ٍ عاصف وتثغي النعوج
اقنب وقلبي من القنيب اعيانيه
مرّت ثلاث وباقي السبعة تعوج
هل نافعي ان جاء الدخان ايمانيه
لا بطن واد ٍ فيه أنجوا أو الوج
عن مرج ِ قوم ٍ كذّبوا الحانيه
يا من لها في كل ِ عرق ٍ بي نشوج
هلاّ أرتويت ِ من طهور ِ الآنية
قد كُنت أكفرَ من زنادقةِ الزّنوج
حُراً تعبّدَ كلَ لاتٍ زانية
حتّى أتاني من إلآهي عن عروج
بدرٌ ولولاهُ فما أشقانيه
يعني بمنطق هَبس ياظبي المروج
بس آمني وأنتِ بروحي ماينه
و يا ملّ قلب ٍ كل ما انحر به خلوج
ضاعت سدا والنّاس ماهي مْعاينه




ماجد الزيد

غابت الجوزا وفزّ الليل في قلب المعنّى
والقمر ماكنّ نوره غير شيب براس شايب
القنيب الي بصدر سهيل ياهو صوت ونّا
والليالي سرمديّة تهزم جيوش وكتايب
يا قمر سلّم على عيون الاصيلة ذيك عنّا
قل لها روحي وقلبي والجسد سقم وعطايب
لو تسنّالي اردّ الوقت ! لكن ما تسنّا
غلطة المؤمن بعشر آلاف من سود النوايب
والله انّ الحبّ جبري في عيوني ما يكنّا
مثل نجم الصبح لا بانت ويلا غابت كرايب
والله إن البعد آذاب العظم بي والقلب حنّا
مثل من قفّت حياته شوف عينه بالركايب
وين من لا شفت عينه (نال قلبي ما تمنّا)
وين من لا بان وجهه يمتلي صدري سحايب
ضحكته ، صدق الطفولة والطهر ، منه تحنّا
وطيبته ، ماكنه الا أعظم السبع العجايب
والله ان قلبي تمنّا قربه ومعْه يْتهنّا
وذا خفوقي من فراقه صارت قصوره خرايب
واوجودي وجد قيس الي خفت نوره وجنا
ما يلام الي عشق له مهرة ٍ تسوى قرايب
وا حطام ضلوع من حظّه مع الغالي تدنا
واعذابه كل ماليله سدل شاف الحرايب
الخلا منّا وبيدا والوحوش السود منّا
والفراغ الي يطوّقني ملا قلبي نكايب
واوجودي وجد عود ٍ كل من حوله تفنّا
الاهل والمال والعزوه وفي صدره لهايب
يالهنوف الي غلاها من دمي الصافي تبنّا
راسخ ٍ مثل الجبال البيض ماني منْه طايب
(كن ما بالارض حيّ ٍ) يوم ايماني تدنّا
كل خلق الله حولي بس احسّ انْهم طلايب
سامحيني ماقصدت اجرح شعورك لو بظنّا
من ندم قلبي تمنيت الفنا ماني بهايب
العواصف في كنيني ضروسها تصر وتزنّا
والخيام تْشلّعت وسباعة البيداء نحايب
آه من حر الجوى ونيران فقد ٍ يسعرنّا
والوقود الروح وضلوعي مثل جمر الحطايب
الخناجر فيـّ?ِ خفوقي منْك واحساسك تجنّا
سامح الله طعنتين ٍ تودع القلب النصايب
ما تمنيت الفراق ولا بغيت انّه يسنّا
لكن الصبر ونهبته من عشيرك بالنهايب
الوفاء براسي تسلطن فيـّ?ِ خفوقي كم تغنّا
لين ما صارت عليّ عمامته ترخي الذوايب
رح بمان الله يا اغلا حب ولا تحكي بأنّا
لا تقول انّا وكنّا صارت الدعوة نشايب
واوجودي وجد من شاف القبور الي جْهزنّا
واقبلوله بالتعازي بعشرة اخوان وحبايب
وش يعزيه بصوابه يوم حزنه ما تونّا
جمرة بقلبه تولّع منها نحور الهبايب
اظلم الكون بعيونه والنجوم اتناثرنّا
كوّرت شمس الصباح وباكي الاشراق .. شايب }
ليت قلبي لا تمنّا نال كل ماهو تمنّا
كان ماشبّ الوتين وكلّ ضلع ٍ بيّ ذايب



ماجد الزيد
ابكي فراقك وعين تصبر الآخرى
اقهر دموعي وتستعمل كتاباتي
ابيك تسمع تحس بحالتي الغبرا
حزين انشهد وفي كامل دماراتي
مهموم وهموم بالي بغيبتك تترا
موجوع ، حدي / ولا غيرك معاناتي
نثرت دمعي وباقي دمعةٍ حمرا
لو روحت ماتت بقلبي نباتاتي
وين انت يالي لروحي قدس ٍ ومسرا
محتل قلبي وتشكي من عذاباتي
اسف على كل جرح وكل مايطرا
بس انت ترضى وترجع ابتساماتي
لا والله إن الفراق اليوم واستشرا
احسّ به ليل خيم في فضاءاتي
كأنني صرتُ بعد اليسرِ بالعُسْرَا
ومادتِ الأرضُ أو طاحت سمواتي
يالله عسى قبرها ما جانبه قبرا
في ربوة ٍ مابها إلا ثنيننا نباتي
مابيني وبينها الا دون من شبرا
ورفاتها السيل يجمعها مع رفاتي
ويفتح لنا الله من الجنّات له مجرا
وتبكي علينا السما وسابق صلاواتي
يا كثر ما ذكرتني لشفع ٍ وْ وترا
واقوم ابي تاخذ العيطا حساناتي
وياما قرت لي من القرأن تستترّا
اخشع على سجعها وتصحى مسرّاتي
احيه يا نار ذكراها يهي كبرا
اشم ريح الشوا واذوق ويلاتي
ازريت اجيب الوجع حتى الشعر ازرا
يا امروء القيس خانت فيَّ ابياتي
قف نبك ِ من ذكرها واستجلب البدرا
الي بكوا فاطمة يبكون مولاتي
اسمع صرااااخ ً مابينه والبشر سترا
مخفيه صدري عن الاحيا للامواتي
يا ركبُ من جن ِ نجد ٍ وصلوا جبرا
صناّجته حابس الونّة والاهاتي
يارب أنزل عليهم آيةً كبرى
المبصرة لاجلها مثل الفلق تاتي
لا سامح الله شيوخ ٍ عظمهم هبرا
ولا سامح الله رعاع انهوا طموحاتي
ماهوب ذنبي ولاهو ذنبها ، ابرا
ذنب الخليقة وعاداتي عباداتي
اشوفها صح وارجع اكتب واقرا
شريعة اعراب اوصخ من غواياتي
اني لمن معشر ٍ قد دنسوا الأغرا
من شان ذود وبهم حركت غاراتي
نستحقر اقوام وحنّا للغنم احرا
لا تقوللي اسلام خل الدين جواتي
الدين دين النبي وبْلال يالافرا
بري منّك ويبرا من كريّاتي
الدين منّا قسم بالله كم اعرا
تفاح وابليس زارعهم بجيناتي
الله يسقي زمان ٍ نبرته خبرا
يوم ابتديت القوافي وهي نهاياتي
سرابي الشعر فوق بساط للبترا
بكّيت الانباط وآنا بكاي ابياتي
الله يسامح غواياتك يا اخو خضرا
يتبعك للنار فوج وهم بجنّاتي


ماجد الزيد
لا وأحبيب ٍ جدد الفجـر طاريـه
ونا على شرع الهواء ما جفيتـه
كن النسيم آليا لفا ريـح كفّيـه
إشمّمم والخافـق يـردد فديتـه
‏لا وا عساني دامني حي ما ابكيه
ون مت/ لا جاه الخبر بيّ ليتـه
‏والله يانا أغليه وأغليه واغليـه
قلبي على حبه ووصلـه هديتـه
لا سامح الله ساعة ٍ روّحت فيـه
كلما طرت لي غصب عنّي بكيته
ما كنّي الا يوم تطـري طواريـه
غافي وصحّتني على باب بيتـه
ياليتنـي قبـل المحبّـة مخليـه
او ليتني يومه شرانـي شريتـه
لا والله الا جبت شـيٍ يدهويـه
ابليس خرّبها ونا مـا عصيتـه
العيد جبته بـس عيـدٍ فلابيـه
ذكراه فرقى يـوم خلّـي حديتـه
يصبّ لي مْن دلال قلبه قهاويـه
شربتها ! وفنجال ظلم ٍ سقيتـه
يا كبر مافي خافقي من مشاريـه
على كنيني / عن عشيري جزيته
حلو اللقاء بحر النقاء بين ضلعيه
عذب السّقاء لوهو بقى مانعيتـه
اقفى ونا ادري يوم يسمع مناديه
قلبه تلـوّى وليتنـي مادعيتـه
بين الطّعون وبين قلبٍ يهقويـه
حبِّ يعـوّد بـه وجـرحٍ يميتـه
كل الزوايا في خفوقـي بواكيـه
لا صوّتن جـال المعنّـى رقيتـه
رجمٍ يجيه النود يجلـي سوافيـه
كلما تنشقتـه وجـودي رأيتـه
وجدي من الفرقى وذابت هواديه
كلّه برجوى صاحبي ما عزيتـه
بالقلب له ذيـبٍ تعـوّي بواديـه
بعد العمار بجرهـدٍ مـا بغيتـه
ومسوبعٍ شيخ ٍ من الجن بانيـه
لا صاحت الصفرة يجاوب ببيتـه
يا لا للا له يا لـلا لـه يغنيـه
ويسحب خلوجٍ توّها مِنْه ميتـه
ون طاحت الظلمة حشودٍ قوافيـه
من دون ريحٍ عاصفٍ لا تميتـه
متوجدٍ والوجد بالصّـدر يفريـه
و يا كثر ماهمّه فزعت وطويتـه
وجدي عليه ان زاروا الجن واديه
بيتٍ يجي منّـه وبيـتٍ عطيتـه
لا قلت له هات النبا جاب خافيـه
ياكل من جزال القصيد و كليتـه
كلّه لعين اللي ذبحنـي بعينيـه
يومه يصيح من الوجع يافديتـه
ليت الزمن يرجع وترجع لياليـه
والله لو يرضيه عمري / هديتـه
ما خاط فتق ٍ في خفوقي بيدّيـه
منّي عليه ابمـا بحقّـه جنيتـه
القلب زادت من فراقـه بلاويـه
عامين في حسبت ثمانين هيتـه
عزيت شوفه بسّ مانيب ناسيـه
وبريت من فرقاه لومـا نسيتـه
هذا الذي من جدد الفجر طاريـه
شفته مضمّخ بالدمـوع وبكيتـه
الله يسامح ساعة ٍ روّحـت فيـه
والله يسامحني على مـا بليتـه



ماجد الزيد
يا عيد لا تفرح ولا يظهر النّاب
ضحكك غبي مافيه ذرّة ذرابه
فرحان بثيابك , ونا ثيابي ثياب
ثوب الحزن والهم ويّا الكآبه
ما سيّرت رجلك على كل مرقاب
ولا شيب راسك عاثيِن في شبابه
مالك حبيب ٍ حال من دونه تراب
ولا ولد عمّن نشف في ترابه
صبّحت قبر ٍ كل جيرانه اجناب
سلّمت وأدري ما تجيني اجابه
كل عام وانت بخير يا مسكّر الباب
ظيفك يحنّ لقولتك يا هلابه
يقول قبرك ميت , وآقول كذاب
اسمع سواليفه وحكي ٍ حكي به
قم علّمه وشلون يحيون الاحباب
و قم علمه وشلون معنى قرابه
انت الذي علّمتنا كيف منصاب
لعيون ضحكتنا يخفّي صوابه
اليوم انا المنصاب ياكل الاسباب
صمتك تخنجر غزّ بالقلب نابه
دمعي على قبره تقل صبغة خضاب
من دمّ قلبي جاب حزني زهابه
العام ضج بْمجلسه ضحك الاقراب
واليوم صدره للفرح به مهابه
العام في بابه تراحيب واطياب
واليوم حزنه واقف ٍ دون بابه
اليوم , في غربه وجيرانه اغراب
ظيفه مشى عنّه وهو ما احتفى به
سحّيت دمعي واغبرت سود الأهداب
زفرة عجاج القلب من هول مابه
وشلون قلبي عند قبره فلا ذاب
إلا أن يذوب وصاحبه ما درى به
جرح ٍ يطيب وجرح ماله من اطباب
ذكرى صوابه عاجلت بالتهابه
العام كنّ العيد بالحان زرياب
واليوم لابالله ينعق غرابه
يا عيد لا تفرح ولا تظهر النّاب
ضحكك غبي مافيه ذرّة ذرابه




الرجوع الى أعلى الصفحة اذهب الى الأسفل
خالد
اداري سابـق ♥
اداري سابـق ♥
خالد


عدد المساهمات : 676
تاريخ التسجيل : 23/12/2010

رجل ٍ من الدنيا خذا سبعة صنوف =طاف البلاد وكل كيف ٍ سعاله   Empty
مُساهمةموضوع: رد: رجل ٍ من الدنيا خذا سبعة صنوف =طاف البلاد وكل كيف ٍ سعاله    رجل ٍ من الدنيا خذا سبعة صنوف =طاف البلاد وكل كيف ٍ سعاله   Emptyالإثنين أغسطس 15, 2011 4:30 pm

يعطيك العافية

على ماتقدمه من مواضيع جميله واعجبني مانقلت


وبتوفيق
الرجوع الى أعلى الصفحة اذهب الى الأسفل
مدين
يعجبني تفاعلك ♥♥
يعجبني تفاعلك ♥♥
مدين


عدد المساهمات : 80
تاريخ التسجيل : 19/12/2010

رجل ٍ من الدنيا خذا سبعة صنوف =طاف البلاد وكل كيف ٍ سعاله   Empty
مُساهمةموضوع: رد: رجل ٍ من الدنيا خذا سبعة صنوف =طاف البلاد وكل كيف ٍ سعاله    رجل ٍ من الدنيا خذا سبعة صنوف =طاف البلاد وكل كيف ٍ سعاله   Emptyالجمعة سبتمبر 02, 2011 4:40 am

مشكووووور على النقل
ماجد الزيد شاعر يستحق كل التقدير
لكن هو غير مشهور اعلاميا
الرجوع الى أعلى الصفحة اذهب الى الأسفل
عسوله
♡♡ الملــكـه عسـوله ♛♔༄
♡♡  الملــكـه عسـوله ♛♔༄
عسوله


عدد المساهمات : 1204
تاريخ التسجيل : 24/12/2010

رجل ٍ من الدنيا خذا سبعة صنوف =طاف البلاد وكل كيف ٍ سعاله   Empty
مُساهمةموضوع: رد: رجل ٍ من الدنيا خذا سبعة صنوف =طاف البلاد وكل كيف ٍ سعاله    رجل ٍ من الدنيا خذا سبعة صنوف =طاف البلاد وكل كيف ٍ سعاله   Emptyالخميس سبتمبر 22, 2011 11:55 am

رجل ٍ من الدنيا خذا سبعة صنوف =طاف البلاد وكل كيف ٍ سعاله   63585 جزك الله الف خير
الرجوع الى أعلى الصفحة اذهب الى الأسفل
الطيار
الادارة تقدم شكرهـا لك على جهودك ♥♥♥
الادارة تقدم شكرهـا لك على جهودك ♥♥♥
الطيار


عدد المساهمات : 315
تاريخ التسجيل : 18/03/2011
الموقع : اٍٍلسمـاء ٍٍالصــــافيهٍٍ

رجل ٍ من الدنيا خذا سبعة صنوف =طاف البلاد وكل كيف ٍ سعاله   Empty
مُساهمةموضوع: رد: رجل ٍ من الدنيا خذا سبعة صنوف =طاف البلاد وكل كيف ٍ سعاله    رجل ٍ من الدنيا خذا سبعة صنوف =طاف البلاد وكل كيف ٍ سعاله   Emptyالخميس أكتوبر 06, 2011 11:30 pm

مشكور ..
على النقل ..


يستهل ابوحمد شاعر مخضرم من العيار الثقيل.
الرجوع الى أعلى الصفحة اذهب الى الأسفل
 
رجل ٍ من الدنيا خذا سبعة صنوف =طاف البلاد وكل كيف ٍ سعاله
الرجوع الى أعلى الصفحة 
صفحة 1 من اصل 1
 مواضيع مماثلة
-
»  سلمان الوهيف الرويلي خلك على الدنيا قليل المطاليب
» الرقم سبعة يشهد على عظمة القرآن
» قصيدة محمد بن فطيس لاضاقت الدنيا عليك ..
»  يايمه شوفي الدنيا تزعلني وتبكيني
» هل تريد ان يحقق الله لك ما تريده من الدنيا ؟

صلاحيات هذا المنتدى:لاتستطيع الرد على المواضيع في هذا المنتدى
ابو حدود  :: اقسام المنتدى :: المنتـدى الادبــي وكل مايتعلق بالنثر والشعر والقصص والمحاروات ♥-
انتقل الى: